Dialuna anochi durante toque de queda a sosode un caso basta peculiar. Ta na momento cu un patruya di polis a duna un auto marca Suzuki modelo Vitara numera A-71890 señal pa para pero e no a respeta. A cuminsa persigui e auto for di Venezuelastraat y termina te dilanti di oficina di Avianca den Belgiestraat.
Locual a resalta ta cu; tres patruya cu zwaailicht y sirene a change e auto y den friccion di seconde a cancela henter e operacion. A laga e auto sigui y tur patruya a bandona sitio. A resulta cu ta trata di un agente secreto. E hecho cu a laga cu auto bay, no a cay den bon tera den pueblo.
Durante un conferencia di prensa di gobierno recien, Vanessa Tjon-Kock, altocomisario di polis a elabora riba e situacion aki. Tjon-Kock a tuma nota di e transimision bibo riba 24ora.com, el a comenta cu, e polis en cuestion, pues cu tabata stuur e Suzuki Vitara, tabatin permiso pa ta riba caya. Ta trata di un polis secreto, cu no necesariamente e polisnan di straatdienst ta na altura di su motibo riba caya.
