Diadomingo banda di 4’or di atardi, a pidi asistencia di Polis na un adres den San Barbola. Polis a yega rapidamente na e adres y a bay atende cu e situacion. Na nan yegada, nan a bin topa cu un mucha muhe, kende tabata comporta su mes agresivo. Tabata sospecha cu e por tabata bou di influencia di un of otro substancia.
Mirando e condicion di e mucha muhe a dicidi di pidi asistencia di Ambulance. Nan a hiba e mucha muhe hospital pa un miho tratamento medico. Pa siguridad di e pashent y e personal di Ambulance, un agente policial a acompañ’e te hospital. Na hospital e mucha muhe a logra di calma full y no tabatin motibo mas pa Polis keda.
