Awe dialuna mainta trempan Polis a topa un auto straño para patras di Ex Hotel Central cu tres persona den dje. Na stuur tabata “Kabouter” un adicto conoci pa husticia, cu tabata cu dos hende muhe den auto. Un di e damanan a bisa Polis cu e auto ta di dje, pero no por a presenta ningun prueba y e auto no tin documentonan na ordo, tampoco su number paga. A tuma e auto den beslag, pero e ultimo aki no a bay facil!
E auto marca Toyota modelo Yaris color blanco tabata staciona tras di e edificio. E dama cu a bisa di ta doño di e auto no a aprecia e hecho cu Polis ta confisca “su” auto y a saca un cuchiu y bora un di e tairanan. Kisas el a imagina cu si tin flattire cu Polis lo no bay cu e auto.
Takelwagen a presenta ma e chollerhouse y a transporta e auto pa Warda di Polis pa investigacion. Tanten cu no presenta cu seguro valido, keuringskaart na ordo, impuesto riba number di auto paga y un rijbewijs valido, cu lo no permiti e auto subi caminda!
