Awe marduga pa mas o menos 2:00AM polis a topa personanan den un Nissan Sentra color cora cu no tabata cumpli cu ley di Toque de Queda. Di biaha polis a dun’e ordo pa para, pero e chauffeur a dicidi di nenga y a sigui core.
E patruya di polis a persigui e chauffeur den cayanan di Playa. Den caya G.F Betico Croes, cerca di restaurant Arabica, a logra para e auto. E agentenan policial a acerca e auto y a pidi ambos persona nan permiso pa ta riba caya.
Nan no tabatin, pa cual polis a detene ambos chauffeur y ocupante na e sitio. A pidi asistencia di transportwagen pa hiba nan ward’i polis, unda a presenta nan dilanti di un fiscal auxiliar.