Un rato pasa, den careda di 5:30 pm a sosode un accidente riba e caminda di Zoutmanstraat. E accidente aki tabata entre un pickup preto Ford Ranger number A-68703 y auto di polis D-290 di Playa.
E auto di polis tabata para na e t-kruising, banda di Fort Zoutman, y aki e chauffeur masculino di e pickup pa un motibo of otro no a brake na tempo, consecuentemente el a dal patras di e vehiculo policial.
Daño material riba ambos auto tabata minimo. E pickup a ricibi daño n’e parti dilanti di pasahero. Polis di trafico a presenta n’e sitio pa asina documenta e accidente aki. Ningun persona a resulta herida.
