Diabierna mainta a habri cu diferente accidente rond nos isla. Esaki a sosode riba caminda pa Cas Ariba, net despues di Mundo Nobo ora cu un vehiculo a sali dilanti un otro.
Aproximadamente 7:30 am a pidi presencia di polis dilanti Wara wara Lottery na Santa Cruz pa un accidente entre un Chevrolet Celta y un Toyota Yaris. Segun por a compronde, e yaris lo a subi caminda dilanti e otro vehiculo. E chauffeur di e Chevrolet no por a evita e impacto y a bay dal den dje.
A pidi tambe presencia di ambulance pa atende cu chauffeur di e yaris cu a resulta herida. A transport’e un rato despues pa hospital. Daño material riba ambos vehiculo ta considerabel.
