Den luna di december varios grupo y of organisacion ta reuni pa tene nan Cena di Pasco. Asina tambe miembronan di Pastoral Hubenil Noord (PHN) a tene nan Cena di Pasco diahuebs, 28 di december ultimo, na Aquarius Restaurant. Pa PHN Hesus ta e unico rason pa celebra Pasco.
Diasabra 9 di december “Hobennan di Santa Filomena Paradera” tambe a celebra nan cena di Pasco na Old Cunucu House. Pa e bunita celebracion aki di e nacemento di dushi Hesus den curason di cada un hoben a ricibi un bunita tas cu logo di e grupo hubenil. Hobennan a disfruta hunto e fiesta di union y paz ” Pasco”. Grupo hubenil di Paradera y directiva ta desea tur hoben di Aruba y famia, feliz dianan di fiesta y un feliz aña 2024 yená cu bendishon y amor di Hesus y Mama Maria.
Pastoral Hubenil Aruba ta encarga pa siña,traha, guia, y yuda hobennan den nan formacion Cristian.
Y cu esaki directiva di PHN siguer kier haci uzo di e oportunidad aki pa gradici un y tur cu di un forma of otro a yuda y of apoya nos hobennan durante 2023 y ta desea pueblo di Aruba en general, feliz dianan di fiesta y un Prospero Aña Nobo.
