Salmo 119:11ta bisa : Bo palabra mi a sconde den mi curazon pa mi no peca contra bo.
Juan 8:47 ta bisa: Esun cu ta di Dios ta tende e palabranan di Dios, pa e motibo aki, boso no ta tende nan , pasobra boso no ta di Dios,
Juan 10:27 ta bisa : Mi carnenan ta tende mi bos y Mi conoce nan, y nan ta sigui Mi.
Nos ta bibando den un tempo caminda nos ta mira desobedencia ta aumenta den un forma drastico den tur area. No solamente e a wordo avisa na nos den 2Timoteo3:1-9 pero awor nos ta mire ta tuma luga.
Desobedencia contra mayor, yiunan cu no kier tende, no kier obedece, ta cera nan orea tanto pa nan mayor como pa e palabra di Dios.
Mayor cu ta desobedece Dios, ora un mayor ta infiel, ta droga, no ta cria su famia, ta parandia tur momento y no ta tuma tempo pa su famia, e ta desobedecido na Dios.
Pa colmo nos ta mira awo cu hende ta desobediente , contra nan propio salud, nan mes no kier mira nan mes bon, nan ta prefera fiesta.
Pa motibo di no ta tende, accidente ta tuma lugar, violencia ta tuma lugar, morto ta cay, hende ta bira malo, finansa ta debilita, enfermedad ta avansa.
Pa un mayor tuma autoridad y pone ordo den cas , e mester tin un Fuente cu e ta scucha di dje, y nos por descubri facilmente dicon hopi no ta tende , pasobra nan no tin un Fuente for di unda nan ta scucha of nan ta scuchando e Fuente robes.
Pasobra tin hopi cos ta pinta bunita pero ta duna informacion robes, y hopi biaha nos ta ocupa den esey tur dia of nos ta permiti nos yiunan ta ocupa den e cos ey tur dia , y nos no ta paga tino cu esey ta e Fuente di informacion robes.
Locual ta domina bo mente ta domina bo bida.
Bo orea ta hopi importante y locual bo ta scucha ta impresiona bo bida.
Como mayor ta hopi importante pa bo tene cuenta kico bo yiunan ta scucha y wak.
Materialismo tin un influencia asina grandi riba hubentud cu nan ta bira desobedecido na nan mayornan.
Imagina bo cu un hoben cu un telefon y sin guia di mayor ta sali for di control.
Proverbio 19;27 Stop di scucha instruccion mi yiu , y lo bo desvia for di palabra nan di conocemento.
Proverbio 2:2 Haci bo orea atento na sabiduria, y inclina bo curazon na comprondemento.
Proverbio 21:23 Esun cu warda su boca y su lenga ta warda su alma di angustia.
Proverbio 19:20 Scucha conseho y acepta disiplina pa bo por ta sabi pa resto di bo bida,
Cu bon Dios toca curazon di nos hubentud, y nan mayornan.
Sincereamnete
Pastor Marcel Balootje.
Pastor Marcel Balootje: Orea ta pa tende.
Salmo 119:11ta bisa : Bo palabra mi a sconde den mi curazon pa mi no peca contra bo.
Juan 8:47 ta bisa: Esun cu ta di Dios ta tende e palabranan di Dios, pa e motibo aki, boso no ta tende nan , pasobra boso no ta di Dios,
Juan 10:27 ta bisa : Mi carnenan ta tende mi bos y Mi conoce nan, y nan ta sigui Mi.
Nos ta bibando den un tempo caminda nos ta mira desobedencia ta aumenta den un forma drastico den tur area. No solamente e a wordo avisa na nos den 2Timoteo3:1-9 pero awor nos ta mire ta tuma luga.
Desobedencia contra mayor, yiunan cu no kier tende, no kier obedece, ta cera nan orea tanto pa nan mayor como pa e palabra di Dios.
Mayor cu ta desobedece Dios, ora un mayor ta infiel, ta droga, no ta cria su famia, ta parandia tur momento y no ta tuma tempo pa su famia, e ta desobedecido na Dios.
Pa colmo nos ta mira awo cu hende ta desobediente , contra nan propio salud, nan mes no kier mira nan mes bon, nan ta prefera fiesta.
Pa motibo di no ta tende, accidente ta tuma lugar, violencia ta tuma lugar, morto ta cay, hende ta bira malo, finansa ta debilita, enfermedad ta avansa.
Pa un mayor tuma autoridad y pone ordo den cas , e mester tin un Fuente cu e ta scucha di dje, y nos por descubri facilmente dicon hopi no ta tende , pasobra nan no tin un Fuente for di unda nan ta scucha of nan ta scuchando e Fuente robes.
Pasobra tin hopi cos ta pinta bunita pero ta duna informacion robes, y hopi biaha nos ta ocupa den esey tur dia of nos ta permiti nos yiunan ta ocupa den e cos ey tur dia , y nos no ta paga tino cu esey ta e Fuente di informacion robes.
Locual ta domina bo mente ta domina bo bida.
Bo orea ta hopi importante y locual bo ta scucha ta impresiona bo bida.
Como mayor ta hopi importante pa bo tene cuenta kico bo yiunan ta scucha y wak.
Materialismo tin un influencia asina grandi riba hubentud cu nan ta bira desobedecido na nan mayornan.
Imagina bo cu un hoben cu un telefon y sin guia di mayor ta sali for di control.
Proverbio 19;27 Stop di scucha instruccion mi yiu , y lo bo desvia for di palabra nan di conocemento.
Proverbio 2:2 Haci bo orea atento na sabiduria, y inclina bo curazon na comprondemento.
Proverbio 21:23 Esun cu warda su boca y su lenga ta warda su alma di angustia.
Proverbio 19:20 Scucha conseho y acepta disiplina pa bo por ta sabi pa resto di bo bida,
Cu bon Dios toca curazon di nos hubentud, y nan mayornan.
Sincereamnete
Pastor Marcel Balootje.
