No ta cu forsa ni cu poder pero medio di e Spirito Santo, e Spirito di Dios, den cual nos ta bay uni mañan mainta cu Dios kier na bo HIT94FM for di 6am -3pm pa asina trece Aruba y tur nos necesidadnan dilanti di Dios. P’esey nos kier recorda nos pueblo cu bo por manda tur peticion di oracion na e-mail:[email protected] Y tambe si bo ta desea den bo curason di apoya cu un ofrenda di amor of un (donacion) pa yuda cubri e gastonan di oracion, manda un mensahe na 7403237.
Nos tur sa cu Aruba y tur e islanan di Reino Hulandes ta pasando den momento nan dificil, pero hopi di nos sa cu Cristo Hesus ta e solucion, y awor e momento a yega pa henter e isla bira consciente di e necesidad di Cristo den nos bida,
Pasobra pa hopi tempo nos a purba di haci hopi cos sin Dios y sin e resultado cu nos ta spera bira realidad. Nos Fe ta e vehiculo cu ta hiba nos cerca nos Tata , pasobra nos tur mester di dje.
Si bo carga ta pisa y si bo ta cansa bin cerca Cristo Hesus.
Ta palabra di garantia y sosten, pasobra yudansa di hende a keda cortico banda di locual Dios por haci pa nos. Yudansa di hende ta temporal, pero yudansa di Dios ta eterno, y Dios ta cumpli cu su palabra.
Hende por lubida riba bo, pero nos kier pa bo sa , cu Dios no ta drumi ni tampoco cabisha, Dios ta fiel y berdadero.
mañan mainta cu Dios kier nos tur para dilanti di un dia di oracion, pa nos mes , pa nos prohimo, y pa Aruba.
Den tur cos cu nos ta haci nos mester di Dios, no rechasa su coreccion ni, tampoco, bira orguyoso y desobediente, pasobra nos tur ta bon bini dilanti di su trono di gracia, cerca Dios nos tur tin mes un oportunidad, basta nos humilia nos mes y kere cu E por y no limita Su poder, nos por confia den Su milager.
Nos mester yega e caminda cu nos ta kere, pasobra tur cos ta posibel pa esun cu ta kere, tur cos ta posibel, pa esun cu tin fe y ta reconoce cu e unico alternativa pa nos bida ta Dios.
Esaki no ta fanatismo esaki ta e Fe di un creyente, cu tin e firme confiansa den e man di Dios.
Pasobra a yega e tempo pa reconoce e poder di Dios den nos bida.
Si mañan mainta cu Dios kier , bo ta sinti cu bo no por mas bin cerca Señor.
Si Malesa ta bati bo bini cerca Señor.
Si bo matrimonio no ta bay bon Bini cerca Señor.
Nos kier pa henter Aruba sa cu Hesus Cristo ta Señor y den Dje tur cos ta posibel.
P’esey no lubida mañan mainta cu Dios kier cuminsa 6am- 3pm , nos lo t’ey live for di studio di Hit94FM, pa halsa e nomber di nos Señor.
Sinceramente
Pastoor Marcel Balootje
