Diabierna ultimo a tuma luga admision di Pastoor Jairo Maduro y otro sacerdotenan diocesano di diferente bisdom manera di Venezuela, San Salvador y Colombia den e Ordo di Padernan Dominico, como sacerdote secular Dominico. Esaki a tuma luga na Basilica di Chinquiquira na Colombia. E pastoornan aki lo forma parti di e Fraternidad naciente di Ordo di Santo Domingo di Guzman di Provincia San Luis Beltran na Colombia.
E ceremonia a tuma luga den presencia di e Prior Pronvincial Fray Diego Orlando Salazar O.P. y Fray Raul Gomez O.P., promotor di e fraternidad y otro religiosonan. Cu e ceremonia aki pastoor Jairo ta cuminsa su noviciado cu lo dura un aña prome cu su profesion definitivo. A entreg’e e Cruz Calatrava di Dominiconan y e regla di e ordo. Pastoor Jairo lo biba awor e carisma di Dominiconan, cu ta contempacion, oracion, estudio y predicacion.
![](https://24ora.com/wp-content/uploads/2022/08/WhatsApp-Image-2022-08-07-at-4.58.40-PM-1.jpeg)
![](https://24ora.com/wp-content/uploads/2022/08/WhatsApp-Image-2022-08-07-at-4.58.40-PM.jpeg)
![](https://24ora.com/wp-content/uploads/2022/08/WhatsApp-Image-2022-08-07-at-4.58.43-PM.jpeg)
![](https://24ora.com/wp-content/uploads/2022/08/WhatsApp-Image-2022-08-07-at-4.58.37-PM-3.jpeg)