AZV ta bezig cu un proyecto pa por analisa con por spaar mas den nan gastonan. Emiterio Dubero ta casa di Elba Yarzagaray, kende a sufri un enfermedad na su wowo. E mes ta sufri di varios malestar y tin un denuncia contra e servicio di AZV. E ta conta cu el a bay busca remedinan di wowo pa su casa na botica, pero a bis’e cu AZV no ta cubri e remedinan aki, cual hecho cu e no tabata sa.
Na su luga el a haya remedinan generico, cual el a tuma. Esun cu su casa mester haya, nan ta cobre basta placa p’e. Sinembargo el a topa cu hende cu si a haya nan remedinan sin paga. Dubero a indica cu e tin 15 aña cu el a opera curason y awo e mester paga pa su remedinan.
Pa loke ta e remedinan di su casa, e mester a paga p’e, un total di 68 florin, siendo cu el a haya sa cu hendenan no a paga pa nan remedinan.
E ta haya cu esaki no ta un trato husto. Asina mes, si nan a pone cu mester paga pa remedi, e ta dispuesto pa paga!