Ya ta tres siman cu algun Venezolano cu a cumpra nan pasashi via Avianca, ta wardando pa asina haya nan placa bek. Esaki tin di haber cu biahenan di repatriacion.
Eduardo Ferrer, cu a papia den nomber di e grupo, a splica cu durante tres siman a keda den incertidumbre, nan no tin luga pa keda, ni tampoco no sa ki dia nan ta bay bek nan pais. E situacion di Aruba ta duna pa nan sigui haya ayudo. A bin pa haya solucion of contesta riba e pasashi, placa di maleta y airport tax, cu a cobra pero no debolbi.
Awo no tin contesta despues di tres siman. Kier algo concreto y no kier un chatgroup, ni lista pa skirbi. Nan mester di nan cen. E dianan ta keda core y no tin entrada. Tur ta warda pa un respondi. Ferrer a bay bin bek. no tin contesta. Pero nan tin un situacion diferente. Awo ken ta para responsabel.
E doño no a haya contesta di manager di e otro aerolinea. Aworaki ningun hende sa ki dia e ta bin of manda hende. Esey no ta un solucion. E hendenan kier un contesta real. Den tres siman un hende por bin cu un solucion.
Un di e pasaheronan a comenta cu e tin 17 dia wardando riba un vuelo y na e aerolinea nan no ta duna ningun rason. E manager di e aerolinea no a comunica cu nan mas. Nan a cumpra nan ticket na Avianca y awo nan a bin puntra cu si no tin un fecha pa biaha, pa duna nan placa bek. Nan pasenshi a caba y ta pidi tambe pa esunnan responsabel duna cara.
