E aña’ki Pasco lo ta otro p’e studiantenan na Hulanda. Nan no por sali door di e lockdown y cada uno a experencia esaki diferente.
Amber Genser ta studiando na Hogeschool Utrecht y ta den su di tres aña di bachelor biologie en medisch laboratoriumonderzoek. E pandemia a afecta su estudio hopi, pasobra e tabata bay bon. Na momento cu a anuncia di lockdown y tur cos a pega, di cual pa mas di un luna nan no tabata sa nada di scol ni gobierno. Esey a pone cu nan a keda perdi pa simannan. Pero despues a haya sa con pa sigui cu lesnan online.
Zuriah Flemming, studiante na Hulanda, a splica cu lockdown no a afect’e hopi. Esaki ta pasobra e ta un frontliner ya cu e ta stage na den un thuiszorg. Tur dia e ta lanta y bay trabou pa brinda servicio na e pashentnan. Pa basta studiante e ta fastioso, pasobra nan ta haya les online solamente y no ta sali di cas. E ta fastioso pasobra no por sali ya cu tin e lockdown.
Genser ta sinti su mes hopi su so, normalmente e ta celebra cu su famia pero e biaha aki ta cu 3 so. Flemming ta desea tur hende un Bon Pasco y Prospero 2021, pero pa cada uno cuida nan mes.
