Riba e penultimo dia di aña 2023, Partido MEP a cende nan pagara den compania di famia, amigo, candidato, parlamentario y minister. E tabata un momento caminda cu ta bisa aña 2023 ayo y ta yama bonbini na aña 2024. Durante e atardi aki, a topa cu lider di partido y alabes Prome Minister, mr. Evelyn Wever-Croes. E prome mandatario a conta cu e ta un momento pa celebra e final di aña y c’un dande pa core cu fucu.
“E tabata un bon aña pa Aruba”, segun Wever-Croes. Ta mirando progreso pero e prosperidad cerca tur ciudadano pocopoco ta yegando, e no a yega ainda pero cu pasenshi y dedicacion, un y tur lo sintie. Ta apenas dos aña pasa a sali for di pandemia y tin su retonan cu ne. Ta momentonan dificil pa tur cu a perde un ser keri. E prome mandatario ta segura cu pronto lo tin prosperidad den tur hogar pero mientrastanto ta sigura un economia stabiel.
Mirando cu ta e aña prome cu eleccion, a puntra e prome mandatario con ta bayendo cu e preparacionnan. Si ta awo t’ey cuminsa of con ta preparando. Segun e mandario y alabes lider di partido MEP, e ta conta cu un partido grandi ta cuminsa prepara pa eleccion hopi mas prome. A cuminsa pa busca candidato y ta drentando e barionan pero di un forma mas pasivo. Claro, den 2024 e bishitanan lo intensiva. Ta premira cu pa juni 2024 lo activa “all out” cu campaña den bario.
![](https://24ora.com/wp-content/uploads/2023/12/6B3A4954-1920x1280.jpg)
![](https://24ora.com/wp-content/uploads/2023/12/6B3A4923-1920x1280.jpg)
![](https://24ora.com/wp-content/uploads/2023/12/6B3A4892-1920x1280.jpg)
![](https://24ora.com/wp-content/uploads/2023/12/6B3A4876-1920x1280.jpg)
![](https://24ora.com/wp-content/uploads/2023/12/6B3A4867-1920x1280.jpg)
![](https://24ora.com/wp-content/uploads/2023/12/6B3A4861-1920x1280.jpg)