Desde 3:30PM gobierno a presenta na Parlamento pa un reunion publico pa duna informacion riba e agenda di ehecucion di e pakete di reforma. E reunion aki tabata yama pa gobierno mes. E parlamentarionan di MEP, AVP y POR a reacciona con e reunion aki a bay, unda cu nan a haci diferente pregunta pa loke ta trata e Landspakket.
Pa Edgard Vrolijk, parlamentario di MEP, e reunion aki tabata uno na su luga, pasobra ningun di nan no sa unda ta bayendo. Loke sa ta cu a firma pa acepta cierto yudansa di Hulanda, pero sa cu a pidi cierto condicionnan.
A bin un uitvoerings rapportage cu a bay Hulanda y gobierno a presenta na Parlamento pa duna cuenta kico nan ta haciendo pa informa pueblo. E ta di pensamento cu asina mester anda pasobra esaki ta algo completamente nobo pa nan tur. Tin cu informa pueblo pa nan sa kico por spera, pero pa evita di no tin movecionnan straño of interpretacion robes.
Richard Arends, parlamentario di AVP, a reacciona riba e reunion cu gobienro, unda cu nan a haya informacion di e agenda di ehecucion di e pakete di reforma cu ta supervisa y asisti door di COHO. E contenido di medida- y plannan di accion tabata conoci caba, pero awo a cera conoci cu e fecha, e deadline, cu gobierno mester entrega un plan di accion, un strategia, un plan di implementacion p’e diferente medida. Ta trata di cuarentiseis (46) medida y plan di accion cu ta cubri ocho area di maneho. Esaki no ta conta solamente p’e parti di financia publico, pero tambe di enseñansa, cuido, husticia, economia, labor.
Gobierno a duna Parlamento un splicacion riba e reforma fiscal, conoci como e pakete di condicion. Segun Alan Howell di POR, e condicionnan presenta pa Hulanda, no ta loke kisas e pais tabata di desea. El a expresa door di a pasa den e condicionnan, por a mira cu hopi di esakinan lo yuda Aruba. E lo por yuda drecha algun cos cu desde pasado mester a atende cu ne. Partido POR semper tabat skerpi pasobra nan ta mira cu e condicionnan aki ta bay preta y haci pueblo mas dolor. Un ehempel ta e reforma fiscal cu nan kier bin cu ne riba e tema di corta 5 miyon den cuido, esey ta algo inacceptabel p’e fraccion.
Richard Arends di AVP 
Alan Howell di POR 
Edgard Vrolijk di MEP
