E Project Team Drugspanden a haci un entrada hudicial na e adres Caya Milio Croes 10 na Dakota. Aki a bay pa asunto di droga. A detene un homber di inicialnan G.R.J. di 40 aña naci na Hulanda.
E team di recherche aki ta traha pa atende cu diferente caso di benta di droga na cas. Ora a yega na e cas a bay cu hues comisario y tambe a bay cu fiscal. A haya e homber so na cas. Buscando a haya diferente tipo di droga. XTC, Cocaina y Marihuana.
Tambe a confisca diferente artefacto pa procesa droga. Un auto Toyota A-71174 e team a confisca den e proceso di investigacion. Un dama di inicial A.H.S. naci na Colombia di 35 aña cu a yega e cas, ta biba na mesun adres, tambe ta deteni pa investigacion den e caso di droga. E ta biba na mesun adres Avenida Milio Croes 10.
Pa Cuerpo Policial por resolve mas caso e coperacion y informacion di pueblo di Aruba ta hopi importante. Pesey ta pidi si tin cualkier informacion yama e tiplijn di Polis cu ta 11141. Cuerpo Policial ta garantisa cu bo ta keda anonimo.
