Un pareha a core robes riba e crusada di Palm Beach. E caminda ta cera pa cierto direccion y nan a scoge pa pasa den verboden pa crusa bay direccion hotel. Pareha turista riba un scooter cu nan a huur. Tin hende a grita nan pero e tabata laat pasobra nan a subi e caminda di preferencia net ora un auto direccion Oranjestad tabata acercando. E chauffeur di e auto sa cu e crusada ta uno dificil.
P’esey conscientemente e ta pasa e crusada di Palm Beach cu velocidad mas modera. Asina mes e scooter a aparece diripiente su dilanti. E impacto tabata suficiente pa e homber riba scooter keda herida. A haya corta na pia. E dama patras no tabata mustra herida. Ambulance a presenta y bay cu e motociclista pa hospital. Departamento di trafico tambe a bin duna un man cu e investigacion.
