Diamars prome minister demisionario a recorda tur hende cu scol ta inicia prome di september, pero Stichting Katholiek Onderwijs Aruba (SKOA) a informa cu su scolnan no ta habri pasobra nan ta sostene e empleadonan di limpiesa. Esaki a pone cu hopi mayor a rabia y na mes momento e prome minister a bisa pa tanto e minister di enseñansa como SKOA sinta hunto.
Durante ora di atardi SKOA a sinta cu minister di enseñansa, unda nan a yega na un acuerdo p’e situacion dje empleadonan di limpiesa. Algun docente ta sinti cu SKOA y Raad van Toezicht a sucumbi durante e reunion. A sinta algun luna atras na mesa cu mediador di gobierno y prome minister mes pa busca un solucion na loke ta trata e pago di empleadonan di limpiesa y otro punto. Pero e docentenan ta sinti cu esey por dura algun luna prome cu yega na un acuerdo.
Pa cobertura mas amplio, lesa e edicion awe di TREMPAN.
