Tres hombero Bulgaro y un homber di nacionalidad Dominicano a presenta awe mainta den Corte acusa di e crimen conoci como “skimming”. E ta un hecho cu a tuma luga aña pasa entre augustus y september unda cu a altera y mishi cu diferente mashin di ATM. Un di e acusadonan tabata un Dominicano residencia na Aruba. El a yuda e trio haya un auto pa huur.
Fiscal a pidi 4 aña pa e Bulgaronan y pa e acusado Dominicano 2 aña di cual 12 luna ta condicional y dos aña di prueba. Den caso di e bartender Dominicano, a dicidi cu unico cos cu por proba ta cu el a intermedia pa e hendenan aki por a huur auto. No a proba cu e tabata sa di e plannan di skimming. A conden’e cu un boet di 300 florin. Esaki ta wordo compensa cu e dianan cu el a pasa den detencion preventivo. Awe mes e lo sali liber.
Dia 14 di april lo tin sentencia pa e tres Bulgaronan, cu a opta pa bini te Aruba pa aki comete skimming riba mashinnan di ATM pa asina haya informacion priva di cuenta di clientenan di banco, drenta nan cuenta y horta nan placa, sin cu e cliente mes sa! Pa e relato completo, lesa e edicion di TREMPAN di mañan.
