Tur aña Quota Club ta organisa nan famoso fiesta pa recauda fondo. Un biaha mas ta organisa e fiesta aki den luna di november y manera e otro añanan anterior, ta mantene esaki riba un diadomingo.
Ivy Simon-Hernandez, presidente di Quota Club, a indica cu un biaha mas nan ta organisa nan fundraising anual. Ta haci e evento den luna di november y e fecha ta cay riba un diadomingo merdia. E evento ta tuma luga dia 26 di november di 12:00 pm pa 5:00 pm.
A custumbra cu Quota ta uza un tema, asina ey e hendenan por cuminsa prepara nan paña p’e dia aki. Ya caba e pueblo di Aruba tabata yama y puntra p’e tema di e aña aki. Tema di e aña aki ta Denim & Bling. Esaki ta significa tur locual tin di haber cu jeans y blink. Segun Simon-Hernandez, ta bay bek den e modernisismo.
E diadomingo aki ta cuminsa pa 12:00 pm y Quota ta custumbra prepara un menu cu Renaissance, di cual e cumindanan ta masha dushi mes. Quota tabatin e honor pa test e cuminda y tin esey prepara pa tur hende.
Incluso tin e miho bandanan prepara p’e atardi aki. E bandanan ta Robert Jeand’or y su Solo Banda Show y ’NFuzion, DJ 101 tambe ta presente. Quota ta custumbra di tin e miho fiesta di aña pa recauda fondo pa duna bek na comunidad.
E ticketnan ta disponibel cerca e miembronan di Quota Club. Pa loke ta e prijs, esaki no a cambia y ta costa 100 dollar pa ticket. Tur hende cu forma parti di e fiesta aki, lo pasa un momento ameno hunto cu famia y amigo. Tin premio manera tur biaha. Tur esaki ta pa un bon causa.
Pa mas lesa TREMPAN.COM.
