Riba diabierna 17 di december venidero e caso contra e sospechoso Anderson J. Rasmijn lo wordo trata pro-forma den Corte den Prome Instancia. Anderson ta wordo sospecha di asesinato di e conocido John A. ‘Poentje’ Castro riba 23 di december 2010.
E sospechoso Rasmijn ta un conoci di husticia, un persona cu un lista largo di crimen, entre otro atraco, contrabando di droga y mas. Na 2009 Anderson Rasmijn a hay’e dilanti mesa berde pa caso di traficacion di droga caminda el a basha abou riba tur hende den e caso.
A declar’e culpabel y a sinta su condena di 10 luna di prizon. Siman pasa hues-comisario a duna ordo pa alarga detencion di e sospechoso en cuestion. E persona aki tin un carera criminal largo caminda cu na 2011 e ta hay’e envolvi den otro caso y e biaha aki di atraco.
Un persona a acus’e di a bira victima di atraco na su man. Manera ta conoci tambe Rasmijn actualmente ta cera na KIA pendiente su caso bin dilanti, caminda un biaha mas ta acus’e cu di tin di haber cu atraco violento.
