Minister di Turismo Dangui Oduber a publica riba su rednan social cu riba e fin di siman di Pasco Grandi aki, Aruba ta establece un otro record den turismo.
Riba diasabra so, e mandatario a informa cu 6262 turista tabata riba Aruba pa pasa nan Pasco Grandi akinan.
Nos por corda con Oasis of the Seas, un di e cruceronan di mas grandi den operacion n’e momentonan aki a trece mas di 6700 bishitante pa Aruba den comienso di januari.
Symphony of the Seas a trece 6500 bishitante riba nos Isla na november 2023. Ta masha hopi turista ta keda bishita nos Isla tur aña pero tambe nos ta hayando un cantidad grandi di bishitante nobo cu ta bini Aruba pa prome biaha.
