Directie Volksgezondheid Aruba (DVG) a informa awe cu 84 persona a recupera y a registra un total di 39 caso nobo di COVID-19 di cual 11 ta no-residente. E cifranan aki ta representa un ‘Positivity rate’ bou di nos residentenan di 31%.
E cantidad di casonan activo di COVID-19 pa awe ta 210 y cantidad di morto relaciona cu COVID-19 a aumenta na 195. Ta expresa palabranan di condolencia y forsa na famia di e fayecido.
Datonan ta ilustra casonan nobo di COVID cu un averahe semanal di 55 caso pa dia y un averahe di ‘Positivity rate’ semanal di 41% pa dia.
Actualmente na Aruba tin 20 persona interna cu of debi na COVID di cual den ICU tin 2 persona y riba piso general tin 18. Na Colombia tin actualmente 7 persona den ICU y ninguno (0) riba piso general.
