Otmar Oduber ta boga pa un maneho nobo pa turismo. Pronto e ta bay sinta cu AHATA, a reuni cu ATIA caba, anto tin intencion pa sinta cu cada instancia. Ta yega e momento despues di diesdos aña segun Oduber pa crea un maneho nobo, segun e retonan nobo cu nos tin den turismo.
Contrario na antes cu tabata placa, mercadeo, organisacion, hotel di calidad, esey a logra supera nan. A pone regla y ley pa controla e partinan aki. Awe e concentracion mester ta riba nos hendenan y percura cu trahadonan den industria – indirectamente 90% di clase di trahado di Aruba ta depende di Turismo – nan mester haya beneficio berdadero directo for di industria di turismo. No cu djis cadena hotelero y franchise cu ta inverti na Aruba ta esunnan cu ta probecha di e desaroyo cu nos tin di nos turismo.
“Gobierno di Aruba hunto cu gremionan mester sinta na mesa pa crea e beneficionan directo aki pa nos hendenan por tin un miho entrada, miho biba, miho infrastructura, miho scolnan, miho enseñansa y salubridad riba nos isla.”
![](https://24ora.com/wp-content/uploads/2024/02/1K9A7656-1920x1280.jpg)
Oduber ta haya cu parlamento, gobierno, y tur gremio mester para keto cu di berdad nos a crece y yega caminda nos ta, pero dicon no habri un dialogo nacional cu tur partner y bisa con lo percura pa traduci e desaroyo aki den turismo pa nos hendenan. Esaki ta pa tur hende na Aruba no djis e waiter y bartender, e beneficionan aki di turismo mester yega tur skina di Aruba.
![](https://24ora.com/wp-content/uploads/2024/02/24ORA6.png)
![](https://24ora.com/wp-content/uploads/2024/02/24ORA5.png)
![](https://24ora.com/wp-content/uploads/2024/02/24ORA3.png)
![](https://24ora.com/wp-content/uploads/2024/02/24ORA4.png)
Pa mas lesa TREMPAN.COM.