“E yamada cu tabata tin tabata uno pa unifica e pueblo aki, pa gobierno, oposicion y gremio no comunica cu otro via prensa pa mira ken por papia mas duro, of ken ta mas sabi cu e otro,” tabata palabranan di ex-minister Otmar Oduber diahuebs mainta durante un conferencia di prensa unda a papia riba e tema di negociacion entre Aruba y Hulanda.
E ex mandatario a subraya cu diaranson den Tweede Kamer na Hulanda a duna Aruba un 30 miyon florin adicional cu mester wordo paga pa aña, no door di gremio of oposicion, ni di coalicion cu ta sostene gobierno. “Pero door di e pueblo aki di Aruba cu tin cu bay paga 30 miyon florin adicional na interes pasobra no a yega ainda na un acuerdo.”
Pa un relato amplio di e declaracion aki, lesa TREMPAN.
