Organisacion di OPPA semper ta pidi pa atende cu nan riba situacion di AZV, pa motibo cu e lista di espera ta birando largo dia pa dia. Si bisa un pashent warda na momento cu e bira malo, e no tin tempo pa haci esey.
Presidente di OPPA, Ivo Valdes, a expresa cu no ta haya un cita facil. Ainda ta na caminda medida pa loke ta trata e remedinan y no ta haya mas. Riba dje mester bay paga pa haya cierto remedi. Esey ta forma un peso fuerte riba pensionado.
Pensionado ta pagando e prima di mas halto manera cu nan ta un comerciante independiente. Awo nan tin di paga pa remedi, mientras cu na comienso a obliga nan drenta den AZV. Valdes ta recorda cu no tabata tin opcion si ta drenta of no. E ta contento cu tin un AZV, pero ta pidi pa trata e grandinan mas drechi.
Pa loke ta e recorte cu Hulanda ta bisando, OPPA a expresa preocupacion di su miembronan, di e grandinan. Prome cu eleccion a introduci e medidanan, aunke a protesta no a kita nan sino door di eleccion a haci esey. Eleccion a pasa, medida tin di bin pasobra segun gobierno Hulanda a duna opdracht pa corta 60 miyon. Ora ta papia di ayudo, pensionado ta esunnan cu ta bini ultimo na turno. E forma con ta trata pensionado no ta e forma y specialmente na un pais cu ta bisa hende ta central.
Pa cobertura mas amplio, lesa e edicion di TREMPAN mañan.
