E organisacion di pensionadonan publico tabatin un encuentro cu un comision di di salubridad publico l y cuido di grandinan di Parlamento.
Ivo Valdes, kende ta president di OPPA, a gradici parlamentarionan presente pa scucha nan. A trece e punto di cortamento di 5 miyon florin pa luna den presupuesto di AZV y esey tin hopi consecuencia pa e grandinan, specialmente pa loke ta remedinan, sesionnan di cuido cu ta haya di fisioterapista, dentista y aparatonan pa yuda nan move. Ta na diferente instancia cu nan mester di e servisio nan lo bay sinti e consecuencia di cortamento di gasto. Nan ta sinti cu nan ta bay atras den cuido general. E hecho cu un persona ta bira grandi y no ta haya e cuido necesario ta un preocupacion.
Un biaha mas nan a apela pa bini cu e Ouderenraad cu nan kier pa bira realidad. A sinti cu parlamentarionan ta di acuerdo cu nan. Pero tambe a trece dilanti e prima cu pensionadonan ta paga pa cuido di salud, y ta haya cu esaki ta uno halto a nan. A sinti cu locual nan a trece dilanti, a haya oido. Pero awo ta spera cu nan lo hiba tur e puntonan aki den nan programa di campaña y gobernacion pa e grandinan sinti cu di berdad ta haya e ayudo y ta tene cuenta cu nan.
Diabierna tambe OPPA lo participa den un reunion yama door di gobierno. E ta spera cu nan por duna nan opinion pasobra cualkier maneho of decisioncu gobierno mester duna, ta afecta e grandinan. “P’esey nos kier un bos den tur cos.”
