Diahuebs lo bay tin un charla di artista unda cu e artista Multidisciplinario, Olga van Bochove lo bay splica su proceso di creacion y tambe con nan ta conecta full cu e exposicion na Museo Arqueologico Nacional Aruba (MANA) crea durante dos dia, cual ta su proceso di laboratorio di investigacion na Berlin, Alemania, sosteni den parti pa UNOCA y tambe su exposicion na Bogota.
E investigacion ta andando ainda. Awo ta yega e momento pa sinta reflexiona loke a haci. Ta un proceso cu a dura dos aña. Manera cu e pandemia a caba Van Bochove a bay Berlin y a cuminsa participa den e laboratorio aki.
Memey di e proceso tambe, a traha na Internationaal Theater Amsterdam y despues a bin Aruba, crea e proyecto na Aruba y tambe un parti na Bogota.
Meta di e charla ta pa brinda conocemento na publico. Eynan nan por mira mas di cerca di loke cu Van Bochove a experencia na Berlin, con e proceso creativo tabata na Bogota y con e impacto of con esaki a socialisa na Aruba.
Olga van Bochove ta invita pa tur hende bin scucha y ta spera cu por siña algo.
Pa mas detaye lesa TREMPAN.
