Rev. Pastor Jairo Maduro y Comision Novena y Fiesta Niño Hesus di Praga ta recorda tur Deboto di Niño Hesus di Praga cu Novena di Niño Hesus di Praga ta continua na Misa Maria Inmaculata Concepcion na Santa Cruz tur dia. TRIDUO lo ta Diahuebs 23 di augustus 2018 pa 6:15pm. Diabierna 24 di augustus 2018 pa 6:15pm.
Hoben y Mayornan; Ban uni den oracion pa venera nos Dushi Niño Hesus, den temponan dificil nos mester mas oracion cu nunca.
Diasabra 25 di augustus 2018 lo celebra Fiesta di Niño Hesus di Praga pa 6:00pm. Ta cuminsa cu oracion y canto na honor di Niño Hesus y ta sali cu e procesion for di den misa pasa den cura di Maria School bek pa misa, unda lo celebra e Santo Sacrificio di misa pa 7:00pm. Ta pidi pa trece flor di cas pa e procesion.
Tur fielnan y debotonan ta cordialmente invita pa resa na honor di Dushi Niño Hesus di Praga pa E por tene piedad di nos y duna nos paz y prosperidad. Pa pidi Dushi Niño Hesus pa E compaña nos y pa E libra nos di tur malo.
