E noticia encuanto un cantidad grandi di bara di oro cu lo a pasa of a wordo confisca na Aruba ta un noticia 100% falso. Cero porciento berdad. Esey ta informacionnan cu por cuminsa duna na comunidad di Aruba rond di e asunto cu a sali den publicidad riba paginanan social na Venezuela antigobierno. Na momento cu nan a menciona Aruba, ta motibo suficiente pa nos por actua y naturalmente contradeci e noticia aki.For di diadomingo cu e informacion a sali, a haya esaki.
Na momento cu a haya e informacion, por a conclui cu e informacion ey ta falso. Pasobra imposibel cu nos tin un aeropuerto priva anto cu un avioneta cu mil kilo di oro abordo, anto ningun informacion ta yega na nos di prensa cu tin tur caminda nos satelitenan presente.
For di momento cu a haya e informacion, nos tabata sa cu tabata un noticia falso, pero naturalmente no a keda sin bay busca algun informacion extra pa caba di confirma cu e noticia ta falso, cual nos a haci tambe.Te awe ministerio publico di Aruba a reacciona. Nan no sa mes di e caso, nan no sa di e baranan di oro, ni e informacion rond di e baranan aki cu supuestamente e rednan social anti gobierno Venezolano ta menciona y cu ta papia constantemente di Aruba, cu envolvimento di gobierno di Aruba.Ni gobierno di Aruba, ni aeropuerto, ni autoridad di aeropuerto, no ta envolvi y no sa mes di e avioneta, corda di e baranan di oro cu ta papia di dje. Loke si por bisa cu enberdad tin un avion cu na e momentonan aki ta confisca. Of nan tin embargo riba dje.
E avion aki a sali for di Mexico dia 2 di februari. E avion aki, cual ta un Golfstream 5 y e avion aki a yega Aruba riba e fecha ya menciona cu 12 pasahero abordo. Algun di nan tabatin varios mil dollar. Ningun di nan a surpasa 10 mil dollar. Nan tabata bao di e suma cu ley ta exigi pa drenta cun’e cash, den e caso aki. Sino mester bay specifica di unda e placa a sali. A controla tur e pasaheronan en cuestionTabata tin abordo un piloto Mexicano, un copiloto Mericano. E otro pasaheronan, varios hende muhe entre nan, un di nan ta Venezolano y e resto tur ta Mexicano. Loke a pasa ta cu e avion aki no por a sali. Dicon el a sali sin cu e tabata tin mag. P’esey mes, na momento cu el a yega Aruba, Aviacion Civil a ground e avion. Pasobra e avion aki ta banderea Mexicano y ta den e proceso pa banderea Mericano.
Ya e tin matricula Mericano caba N103VV. Esey ta e registracion di e avion aki, cu awor aki ta confisca na Aruba.E problema ta cu e pa e por sali e documentonan di registracion mester ta 100% na ordo y ainda e avion aki no a pasa den e proceso ry. Ta pa e motibo aki na momento cu el a yega Aruba, a ground’e mesora. For di 2 di februari pa awo, nan ta den proceso pa regla e documentonan di tal forma cu e avion por bandona Aruba y sigui bek pa su destino cual ta Mexico. A bin djis trece pasahero bay bek. A trece 10 pasahero. Nan a keda Aruba, nan tin placa den nan saco. Ya e personanan aki lo a bandona Aruba caba, pasobra nan dianan di vakantie a pasa caba. E avion a keda atras si. E no a bay bek. E ta para awor aki den un hangar na aeropuerto caminda cu ta pendiente pa su documentonan keda cla pa despues e por bandona Aruba un biaha mas pa motibo cu autoridad di aviacion na Merca no a keda cla cu su documentonan, cu e cambio di registracion pa un matricula Mericano, despues cu e tabata un avion registra bao di bandera di Mexico.
Pronto esaki lo keda cla. No tin nada abordo ilegal den e avion aki. E ta un jet sumamente luhoso. E no tin nada ilegal abordo. E no ta geground pa motibo di oro. Ya caba a cuminsa tende informacion riba rednan social, cu a menciona cu na Mexico tambe. Esaki tambe ta falso. Mirando cu awor e noticia aki a cuminsa plama rond, a bin pa clear esaki. E avion aki no tin nada di haber cu oro. E noticia di oro mes, no tin nada di haber tampoco cu Aruba. E ta un noticia falso 100% y cu ta rednan social antigobierno di Venezuela ta plamando e informacion aki cu a bira viral. Na Aruba tin hende ta kere cu ta berdad tambe y cu nan ta sconde e noticia aki.Nada ta berdad rond di e oro, e mil kilo cu a yega Aruba cu avioneta. E ta imposibel cu un avioneta bin aki cu e cantidad di oro aki y e noticia aki no ta yega na nos mesa di informacion. Tur caminda nos tin informante y satelitenan ta vigila tur cos cu tin di haber cu noticianan importante cu tin di haber cu nos isla.
