Prome dialuna di aña 2022 ta habri cu un alarma di panico den Schotlandstraat na Eagle. Un compania di siguridad tabata test e ekipo den e establecimento y a activa e alarma di panico.
Polis a presenta mesora na sitio pa bin encontra un compania di siguridad den testing di nan ekipo y instalacion. Asina mes a baha, haci nan control y confirma e informacion cu e activacion di e alarma di panico tabata un test di e compania encarga. Mester ta sumamente cauteloso cu e tipo di testnan aki mirando cu ta activa autoridad cu ta presenta cu maximo urgencia sin nececidad.
Tambe tin di remarca cu esaki ta e di dos incidente cu ‘panic button’ cu ta mobilisa polis y ta resulta di ta falso.