E averahe den edad di e bishitantenan di Nos Clubhuis ta for di jong pa bieu, for di nechi pa bunita y easygoing pa extravagante.
E fin di siman cu a pasa, e restaurant y bar aki a ricibi Austin y su amigonan Milany, Naomi y Valnantina, kendenan ta cay den e categoria di hoben, bunita y easy-going. Austin (18) ta un hostess den un restaurant na Merca – esaki tabata su prome vakantie na aruba. Hunto cu su amigonan, el a haya Nos Clubhuis y a purba cerbes Balashi, Hypnotic y Sex on the Beach: nan a gusta tur. Nan a hari y bisa “cheers” pa e potret.
Nos Clubhuis ta situa net riba e piso di Hadicurari Restaurant, cu ta entre Marriott Surf Club y MooMba Beach. E bista riba e lama ta extraordinario for di e deck, e bebibanan ta dushi y e cuminda ta simplemente fantastico. Localnan gusta Nos Clubhuis, asina ta, si bo no a bin eynan ainda, bin purb’e.
