Den fin di siman tras di lomba Aruba Marriott Resort & Stellaris Casino a bisti na estilo Mexicano.
Diabierna y Diasabra anochi gerencia a organisa den Lobby di Marriott hotel un evento cu a hiba e nomber di Mexican Night. Pa dun’e su toke completo, Marriott a trece directamente for di Mexico un chef specialisa den platonan Mexicano pa e huespednan por saborea delaster cuminda tipico di e pais aki. 
E huespednan mester a cumpra un entrada pa e seccion aki cu a wordo specialmente decora cu tur loke tin di haber cu Mexico, for di e ambiente te na e musica y platonan. E evento a tuma luga riba diabierna y diasabra y gerencia ta sumamente contento cu e resultado: ambos anochi tabata “sold out”.
