DOW, acompaña pa polis a presenta awe mainta na un cas den construccion na Malmok. A bin constata cu tin un parti di e cas cu no ta cumpli cu regla stipula.
E situacion a tuma luga den careda di 9:30 am, ora cu a bay duna e contratista e mal noticia cu e tin cu basha un piso completamente abou. E tercer piso di e cas den costruccion ta ilegalmente traha. Segun por a comrponde for di funcionario di DOW, den e area spefico di Malmok no ta permiti construccion di edificio cu un di tres piso.
A duna un splicacion amplio na e contratista riba e regla aki, cu no ta algo nobo pero ta sinti cu asina mes nan a purba di burla di e regla aki y traha e piso aki asina mes pero den un forma camufla pero no a logra.
A compronde cu a duna e contratista un fecha pa basha e piso aki abou of nan mes lo presenta un biaha mas. Esaki lo tuma luga dialuna awo, pa asina basha esaki nan mes abou.
