Pa e bishita di famia Real e preparacion a bay bon. Door cu a haya reaccion di miles di mucha, a opta pa haci algun ahuste durante e bishita.
Nicole Hoevertsz, representante di comision Famia Real, a splica cu durante tur e lunanan aki nan a traha intensamente. Un comision cu ta consisti di hende tras dje cortina y nan ta sinti di ta cla, tabata bezig cu e ultimo detayenan pa asina Rey Willem-Alexander, Reina Maxima y Prinses Amalia sinti nan mes comodo y na nan cas ora ta na Aruba.
A pidi e comision cu ta organisa e bishita aki pa nan ta cerca di e pueblo di Aruba. P’esey e comision a traha den e programa un momento specifico caminda ta bay tin interaccion cu pueblo. Pueblo por mira nan di cerca, por ehempel dialuna mainta dilanti di Bestuurskantoor, despues di merdia na San Nicolas. Mientras diamars nan ta na Plaza padu y Fort Zoutman.
Segun Hoevertsz, nan a haya un reaccion asina enorme grandi, caminda shete mil mucha lo bin mira nan dilanti Bestuurskantoor. Esey no ta posibel y a pone cu e comision a haci desahuste. A opta pa decentralisa e miramento di e reynan den bario. El a splica cu ora e evento tuma luga na Noord, ta invita e scolnan di Noord pa mira nan na Frans Figaroa.
Pa mas lesa TREMPAN.COM.
