Aruba a bira e prome isla den Caribe cu a firma CommonTrust Network dia 17 di December 2020, cual ta forma parti di World Economic Forum. E gobierno di Aruba ta pushando nos isla poco poco den e modelo di World Economic Forum cu ta un modelo comunista bao di e lema :” lo bon no tin nada y lo bo ta feliz”. Clase media lo disparce y lo keda e pober- y e riconan. Si nos mira bon ya caba no ta scucha pueblo su bos mas. E decisionnan cu gobierno ta tuma ningun hende por bisa nada y pueblo mester biba cu ne.
E cambio di ley cu gobierno a introduci a haci cu hopi negoshi chikito lo cera nan porta y otro ta bay establece nan mes den exterior pa via cu na Aruba nan lo no sobrevivi. Esunnan cu conoce e sistema di impuesto mes ta conseha e comerciante nan pa bandona Aruba si nan kier sobrevivi.
Gobierno ta tira santo den wowo di e ambtenaarnan door debolbe 7.6% pero di otro banda gobierno a bin cu un belasting mas halto. Na juni 2020 e ambtenaarnan a cobra 50% prima di vacacion mientras cu e ambtenaarnan a paga nan parti caba. Nos por mira esaki mas bien pa tene e ambtenaarnan contento pa via di e bishita di rey na Aruba.
E prestatiemanagement cu gobierno a introduci 1 januari 2023 ta un otro instrumento pa wega politico tuma luga den gobierno. Un minister lo evalua e Hoofd van Dienst den su prestacion. E modelo comunista aki ta mas facil pa hala un director for di su funcion y asina pone esun cu ta cumbini.
Segun Minister di Labor, Energia & Integracion WEB N.V. ta hasi uso caba di heavy fuel oil di PetroEcuador cu tin dos intermediario. Pueblo lo tin derecho di sa ken ta e otro intermediario ya cu no Fuels Market & Supply Aruba. E problema di aumento di prijs riba awa y electricidad ta gobierno mes a caus’e ora cu no a autorisa WEB NV pa hedge. Nos no mester lubida kiko e gobierno aki a hasi cu expertonan den WEB NV y cu hasi cu nan mester a bandona WEB NV pa via nan no a dobla pa gobierno pa via di Eagle LNG. Eagle LNG lo no trese ningun beneficio pa nos isla alcontrario elo hiba nos divisas pa exterior.
Nos por a tende minister di Economia den un entrevista cu partido RAIZ ta na fabor di e matrimonio di mesun sexo y nan dos parlamentarionan tambe ta di acuerdo. Nos di partido Curpa a spierta pueblo for di 2016 riba e asunto aki. Ta silencia e cristian su bos pa via di e pastoornan cu a prefera di apoya nan colornan politico den tempo di eleccion y nos por a mira cu e cristiannan riba e lista di partido MEP y partido AVP. Ningun di nan a bin padilanti para pa nan fe. Te dia di awe ni un di nan a lanta para y defende e pueblo Cristian. E palabra di Dios ta bisa cu si bo ninga MI dilanti di hende Mi ningabo dilanti Tata cu ta den cielo. Nos tin sigur cu tin un remanente cu ta para firme pero nan no tin voz den Parlamento.
