Presidente di Merca, Donald Trump, ta hospitalisa debi na, pero dialuna desde mainta trempan el a cuminsa tweet pa vota p’e. El a cuminsa manda mensahenan cortico y tur hoofdletter, unda cu e ta bisa votadonan pa vota p’e y a uza lemanan di su campaña pero tambe su supuesto logronan.
Diabierna a hiba Trump p’e hospital militar Walter Reed na Bethesda (Maryland), pafo di Washington, despues cu su test a sali positivo pa COVID-19. El a experencia caida di oxigeno den sanger y keintura. Trump a skirbi tweetnan manera “Paz via e forsa (trece nos soldadnan cas),” “Proteha e di dos enmienda (cu ta defende derecho di armanan),” “Combati e medionan di comunicacion corupto y falso,” “Un miho cuido sanitario y mas barata,” pero semper sigui p’e peticion di voto.
Tambe Trump a probecha pa ataca su contrincante pa eleccion di dia 3 di november, e democrata Joe Biden. El a bisa votadonan cu nan kier “un aumento masivo di impuesto, e mas grandi den historia di nos pais (…), vota pa democratanan.”
Segun e team medico, cu desde diabierna e presidente ta mehora y aunke a registra un di dos caida den su nivelnan di oxigeno, solamente e ta mustra di tin sintomanan leve. Esey ta nifica cu por lag’e bay awe mes p’e sigui cu su tratamento cu antiviral y steroid na White House.