E ciudad di New York a cuminsa diasabra e actonan di conmemoracion di e atentadonan di 11 september cu un ceremonia solem na e luga unda cu Twin Towers tabata, caminda cu varios di e famianan di casi 3 mil victima a acudi, como tambe presidente di Merca Joe Biden y e exmandatarionan Barack Obama y Bill Clinton.
Den un mainta briyante, manera cu a biba dia 11 di september 2001, e ceremonia a cuminsa cu e desfile di representante di e servicionan di emergencia cargando un bandera di Merca, despues cu Young People’s Chorus di New York a canta e himno nacional.
Despues di un momento di silencio pa 8:45 di mainta, ora local, ora cu e prome avion a dal contra un di e torennan, Mike Low, tata di un di e stewardesnan cu a bula den dje, a a duna un discurso cortico, cu a marca e comienso di e lectura di nomber di e victimanan.
“Mientras cu nos ta bis e nombernan di esunnan cu nos a perde, nos memoria ta bolbe na e teribel dia aki, ora cu nos a sinti cu un spirito malvado a baha riba mundo, pero tambe tabata un momento caminda cu hopi hende a actua mas leu cu normal,” Low a afirma.
Polis y bombero di New York ta wanta e bandera di Merca durante e himno nacional den un ceremonia di conmemoracion di e atentadonan di 11S na World Trade Center na New York (Merca), dia 11 di september 2021. EFE/EPA/Ed Jones/Pool 
Katie Mascali ta consola pa su pareha Andre Jabban durante un ceremonia di conmemoracion di e atentadonan di 11S na World Trade Center na New York (Merca), dia 11 di september 2021. EFE/EPA/Craig Ruttle/Pool 
Riba e potret, e ex-presidente di Merca, Bill Clinton, ex-prome dama Hillary Clinton, ex-presidente di Merca Barack Obama, ex-prome dama Michelle Obama, presidente di Merca, Joe Biden, prome dama Jill Biden, e ex-alcalde di New York Michael Bloomberg, su pareha Diana Taylor, e presidente di Camara di Representante, Nancy Pelosi y e lider di minoria democrata den Senado, Charles Schumer, a participa den un ceremonia di conmemoracion di e atentadonan di 11Sna World Trade Center, na New York (Merca), dia 11 di september 2021. EFE/EPA/Chip Somodevilla/Pool
Apesar cu cientos di e famianan tabata presente durante e ceremonia, cu a mustra potret di nan ser stima, algun di nan cu tabata mas yena na e victimanan no por a yega na e acto, mirando cu tabatin medida fuerte di siguridad.
Hunto cu nan, cientos di persona mas a aglomera rond di e ceremonia di 11S, hopi hende cu rosa y bandera Mericano den señal di respet pa e victimanan.
Den e ceremonia, caminda cu e cantautor Bruce Springsteen a interpreta su cancion ‘I’ll See You in My Dreams’, a marca cu momento di silencio den e momento caminda cu a secuestra e tres avionnan secuestra dia 11 di september, a dal contra Twin Towers y Pentagono y un di cuater a cay riba un tereno na Pennsylvania.
Durante e evento, caminda a e ex-prome damanan di Merca Hillary Clinton y Michelle Obama hunto cu nan casa, tambe a recorda e momentonan caminda cu e torennan a cay na New York.
E forsanan di orden a desplega medidanan importante di siguridad, cu e presencia door di e ciudad di miles di agente y e Bomb Squad, mientras cu e accesonan na e boca di metro cerca di zona cero tabata cuida pa polis arma.
