Nancy Kock ta un wela cu ta hopi disgusta p’e situacion cu su nieto a pasa aden. Na lunda di november 2020 el a haya un carta di scol referente un prik. E wela a yena tur informacion di su nieto y a pone no. El a presenta na Inspectie Volksgezondheid Aruba pa entrega un formulario di keho contra e situacion cu su nieto a pasa aden.
E ta rabia y disgusta p’e situacion di su nieto, kende a haya prik sin su autorisacion. Cu Jurette Croes a bisa cierto cos cu no ta berdad, kende no tabata sa kico pa papia.
E nurse di DVG a yama e wela, kende a bisa di no kere den ningun prik. E nieto a yama su wela pidie pa busc’e ya cu e tin di bay den cuarentena. E mucha a inform’e di a haya e prik. Kock a splica di a papia cu e juffrouw y cu e nurse a bisa di ta 2021 no 2020. E mucha a informa e nursenan cu su mama/wela a bisa cu e no mag di haya prik. E nurse kiermen di a bel e mama, kende di otro banda ta bisa esey no ta berdad.
E wela, kende ta esun cu ta cria e mucha, a bisa loke Croes a papia ta completamente fout y su di dos punto ta con ta possible di tira culpa riba un mucha di diesun aña. E mucha ta esun cu a pone no na vacuna, pasobra e tin miedo di vacuna. Ainda e ta rabia ya cu a pasa un luna y kier sa ken ta para responsabel p’e curpa di e mucha, kende ainda ta mustra baca pinta.
E ta esun cu ta lanta tur anochi pa kita y hunta remedi bek. “Bo no por tuma decision riba yiu di otro hende”, Kock a bisa.
Por ta otro mayor nan a convence, pero su persona no. Pa loke a bisa di haya oke di mama esey no ta posibel, pasobra el a muri ora e mucha tabata tin dos aña. E ta haya cu nan mester a respet’e ora a bisa no na prik. Riba Facebook ta daña nomber di hende y a haci esey cu su nomber.
