Den cinco dia di tempo, tur ocho partido cu no tin representacion den parlamento, a yega nan 587 firma. Esaki ta prome biaha cu Aruba tin 12 partido cu ta bay e contienda electoral.
E prome dia, esta dia 10, MAS tabata e prome partido pa a logra, despues e demas partidonan cu ta RAIZ, Accion 21, PPA, Pueblo Prome, UPP, HTC y por ultimo CURPA.
Erick Ras, lider di CURPA a comenta di ta hopi satisfecho cu e sosten. E ta splica cu nan tabata sigur cu nan a logra. For di un principio nan no ta rush mirando cu ta bibando den un pandemia. Cu forsa di Dios nan a logra nan meta. Awo nan ta bay cuminsa cu un otro etapa. Tambe el a menciona cu tur partido a traha duro.
Ta gradici Gilbert Webb kende ta un homber di palabra. E tin un curason noble y un hende cu a duna su palabra y a cumpli.
Si instruy’e den e caminda corecto nos por tin un persona dinamico y exitoso, contribuyendo na loke Aruba ta spera di dje.
E ekipo a bin hunto, a uni y a logra y pueblo a respalda. Cos mas grandi lo bin pasobra awo ta e cuminsamento.
Awo e careda politico lo bay start cu lo conclui dia 25 di juni, unda cu Aruba lo bay tin su eleccion 2021.
