Diasabra despues di 10:00pm polis a detene dos persona den area di Tanki Flip. Esey a pasa ora a tuma nota cu dos hoben riba un scooter tabata actua di forma sospechoso dilanti Sherif. Tambe a ripara cu e plachi di number no tabata cuadra cu e scooter.
Na sitio polis a confisca e scooter dje hobennan. Polis a pidi pa e papelnan dje scooter pero esaki no tabata na ordo pa ta riba caminda publico. pero tambe a detene nan. A pidi pa transporte policial presenta na sitio pa asina hiba nan warda di polis.
Den e proceso, un patruya policial a dal contra dje scooter y a sufri daño. Esey a pone cu polis di trafico a presenta pa documenta esaki.
