Diaranson mainta alrededor di 11:00 am polis a presenta cu urgencia den e area di Buena Vista p’un pelea formal. Ta na altura e di e bocht skerpi cerca di cura di aeropuerto.
Na yegada di polis, a topa cu un hende homber cu sla na cabes y na cara. Ta trata di un hende homber di edad relativamente grandi. El a conta polis cu e tabatin un discusion formal cu su ruman homber.
Cos a bay asina leu cu e ruman a pasa man p’un pal’i biga y agredie cu ne. A hala otro cu sla te herida otro. Polis a busca tur rond pa e ruman pero no a topa cu ne. Comosifuera poco, no obstante cu e tabata herida na cabes y cara, el a nenga di ricibi atencion medico.
