Inky Richardson, Presidente di Stichting Musica ta splica cu e prome anochi di registracion, manera tambe anochi informativo pa loke ta Caiso y Soca 2024 a bay hopi bon.
E musiconan a acepta e concepto nobo treci dilanti y tur hende ta cla pa ranca sali. Akinan ta trata di un manera pa cuminsa expone festival mundialmente, habriendo tambe mas oportunidad pa crecemento den tur forma.
Pa dia 30 di september lo cera inscripcion y lo por mira cuanto banda y participante lo bay tin. Hasta esunnan cu ta bay haci Casio, aunke e ta cay te otro aña 26 di januari, inscripcion pa esaki tambe ta cera riba 30 di september. Mester tin tur cos aden pa fin di september. Stichting Musica su concepto lo ta un live streaming pa ful Aruba y tur hende den exterior tambe por participa y sinti e calor di e musiconan.
“Nos ta bay haci esaki live streaming, gratis, pa nan tambe por sinti cu nan ta akinan hunto cu e musico y cantante faborito.” Richardson ta bisa cu riba 11-11 lo bay over na sacamento di finalista na comienso oficial di loke ta temporada di carnaval.
