Riba 12 di september a tuma luga un conferencia di aviacion. Aki ta caminda Aruba Airport Authority (AAA) hunto cu Airports Council International (ACI) a organisa un evento caminda a enfoca riba e ultimo desaroyo den aviacion pero tambe e compromiso pa aviacion, primordialmente pa Aruba pa e proximo shen añanan. Manera ta conoci, recientemente AAA a celebra e shen aña di aviacion na Aruba.
Joost Meijs ta CEO di AAA, durante un entrevista cu 24ora.com el a conta cu ta importante pa adapta nan maneho cu e desaroyonan nobo. Actitud di pasaheronan ta cambiando y AAA ta enfocando pa sigui cu e trend y cumpli cu e demanda. Durante e conferencia tabatin diferente persona cu a hiba palabra, specialmente riba e tema di ‘small island development goals’ pa cual Aruba ta pertenece na dje tambe. Tabatin oradornan di entre Colombia y Panama caminda a conta e importancia di aviacion pa Aruba y e cambionan cu tin cu haci pa sigui mehora.
