Ultimo tempo a tuma nota cu e muhenan cu ta traha den barnan of den hanchinan di San Nicolas ta basta den noticia. A ripara cu nan ta haya problema cu otro y ta parti sla formal. Loke nan no ta realisa ta cu nan por wordo graba. Net algo prome cu mey anochi diasabra e pelea a tuma lugar. Parce cu e competencia ta fuerte y asina cu un mete cu cliente di otro e cos por bay for di man.
Parce cu e muhenan aki no kier pa nan cliente purba diferente tipo di carni. Mas bien kier pa e homber como cliente keda draai riba mesun weso. A lubida cu cliente ta rey y eynan tambe por escoge esun cu e kier basta e paga. Realidad cu den hanchi tin diferente keho pasobra cos ta keto. Hopi mester traha extra ora despues cu bar cera pa asina yega na cubri nan debenan.
Ademas den hanchinan patras tambe tin varios muhe cu no ta di bar. Den e caso aki e pelea tabata den Jan Steenstraat. Por mira con un ta defende e otro na momento cu un tercer muher a bin pa regla cuenta. A pasa man pa diferente tipo di arma. Hasta e usa Stun Gun, Basora, palo di Basora etc. Polisnan tambe a yega mesora pa mira si por atende cu e pelea. Ora Polis a yega e pelea a calma. E otro muher cu tabata pafo a bay bek banda di un bar den otro hanchi pa sigui brinda su servicio cu e profesion mas bieu di mundo.