Diadomingo anochi algo pasa di 11or, Polis a presenta riba e caminda di Watty Vos Boulevard den cercania di e rotonde di Cas Casuela. Eynan un auto tabata pasando y e momento ey segun e chauffeur a mira tres mucha a manda piedra. Esaki a dal den e windshield di e auto kibra. E tres muchanan core bay direccion Sero Patrishi. Ora esnan di Forensys 165 a presenta cu nan van, nan tambe mester a pasa den e mandamento di piedra. E piedra a dal riba e dak di e van. Polis a tuma datos di e sucedido. A sali tambe busca den e area pero no a topa cu cu e muchanan. Nan tin atencion pa e caso.
