Stabiel y sin morto celebral, esey ta e cuadro medico di Jednnielys Perez, e mucha muhe cu a accidenta na Aruba, kende a yega ayera tardi na e Centro Medico di San Juan, na Puerto Rico. “Nos ta evaluando e. E ta den un coma induci y stabiel”, asina e Secretario di Departamento di Salud, Rafael Rodriguez a bisa den un conferencia di prensa for di e institucion hospitalario.
Aspectonan positivo di salud di e mucha di shete aña, kende ta den intensivo pediatrico, segun Dr. Rodriguez a splica cu “su pupilanan ta reaccionando” y cu, prome cu e coma induci, “e tabata moviendo tur su extremidadnan.”
E menor tabata den un UTV mientras cu e tabata di vakantie cu su famia na Aruba, ora cu el a fractura su femur, a perde un pia y a sufri trauma na craneo cervical, “pero ya e sanger a wordo re absorbi,” e funcionario a splica.
Na e momentonan aki e neurocirujano nan ta evaluando Jednnielys pa por tin un cuadro mas amplio y sa si e lo tin cu wordo hiba na sala di operacion. Rodriguez ta premira cu pa awe caba, e lo bay tin un cuadro mas amplio.
“Tin speransa cu e mucha muhe aki por tin e capacidad, si no tin complicacion, di mehora. E mucha muhe a wordo bon cuida (na Aruba) y a yega cu tur e documentonan cu tabatin mester. A haci tur e procedimentonan kirurgico pa stabilis’e,” el a splica.
