Diaranson anochi alrededor di 7:20 pm a sosode un accidente n’e rotonde riba De La Sallestraat. Ta entre un auto marca Nissan modelo Sentra y un Harley Davidson. E motociclista a resulta herida, e tabata keha di hopi dolor na su lomba.
El a keda drumi plat na suela te ora cu ambulance a yega na sitio. Polis a cera tur e salidanan di e rotonde p’asina por atende libremente cu e accidente.
Daño material tabata minimo. No tabata necesario pa transporta e motociclista pa hospital, a trat’e na sitio mes. Polis di trafico tambe a presenta pa documenta e accidente aki.
