Tabata alrededor di 8:30 pm ora cu personal di Task Force a termina cu nan control na Well Well Bar na Hooiberg. Tur cos tabata na ordo y nan tabata cla pa sigui controla otro establecimento. Nan no por a sigui mirando cu un auto marca BMW color shinishi tabata staciona tras di nan auto y e chauffeur tabata morto na soño. A purba papia cu ne pero sin resultado. A bati alarma mesora na polis. Na yegada di polis a loga lanta e chauffeur aki y a hib’e cas den un transporte policial. El a conta polis cu e tabata riba un trip “heavy” y cu e alcohol a dal e duro. A hib’e cas mientras e polisnan y personal di Task Force mes a pusha e auto pone canto di caminda.
