Amsterdam y Rotterdam no lo sigui cu e experimento cu mondkapje obligatorio. Ambos ciudad a anuncia esaki diabierna. Despues di diadomingo ultimo, e uzo di un mondmasker ya no ta obligatorio den cierto partinan den e ciudad. E uzo di mondkapje tabata obligatorio den ambos ciudad desde dia 5 di augustus den zonanan comercial determina di e ciudad y e obligacion aki tabata aplica te cu awe dialuna.
E Centro di Estudio di Hulanda pa Crimen y Aplicacion di Ley (NSCR) lo evalua e experimento. Lo spera e resultado pa september. A realisa e experimento pa mira si e uzo di un mondkapje lo provoca un cambio di comportacion y por lo tanto, personanan lo mantene miho riba e distancia di 1,5 meter. E evaluacion di NSCR ta analisa si e medida a haci un cambio di comportacion.
Ta posibel cu lo reintroduci e rekisito di e mondkapje den ambos ciudad, pero ta depende di e evaluacion y e cantidad di infeccion.
